طول النهار أضمد جروح غيري...ويصيح جرحي لاضويت آخر الليل

طول النهار أضمد جروح غيري=ويصيح جرحي لاضويت آخر الليل
ياما المسا صب السهر في نظيري=واخذ معا لمـّة هجوسي تعاليل
وخلف العيون اللي تراقب مسيري=احيت مزون العين قاع المناديل
النار فيها من مواقد ضميري=والدرب فيه من الرموش المضاليل
اشيل حلمٍ حاس كسره مريري=كم صكـّت اليمنى إختها..ترثي الحيل
انشبت في بعض المحابيل طيري=واطيري اللي عذّبته المحابيل
كم صـارت العشرة وسيلة عشيري=وعـّديت مشواري معه كذبة ابريل
خلاص دامه ضاق حتى شويري=باللي تجيبين اسرعي يامقابيل
عرفت كيف اكون بعيون غيري=من سالفة بدوٍ على ضوهّم ليل

تحياتي

الح ـب حاكم ـني

النار فيها مـن مواقـد ضميـري =والدرب فيه من الرموش المضاليل

اشيل حلمٍ حـاس كسـره مريـري =كم صكّت اليمنى إختها..ترثي الحيل

انشبت في بعض المحابيل طيـري =واطيري اللـي عذّبتـه المحابيـل

ـــــــــــــــــــ

صح لسان شاعر أخذنا في هذا النص

وتسلم الايادي التي نقلت لنا هذا

أغلب قصايدك اللي تنقلها تعجبني مع أني ما أميل للقصايد الحزينه
ذوقك ذوق يالحب حاكمني
الله يعطيك العافيه

عرفت كيف اكون بعيون غيري=من سالفة بدوٍ على ضوهّم ليل



لاهنت يالقرم



فجر

سمو القاف

عطر الياسمين

فجر

اسعدني مروركم حياكم الله

ابداع في الاختيار
سلمت انا ملك على النقل الرائع