من شان لايذيك شياً بيذيك *** شياً ليا أخفيته بلى النفس وأذاك

ياشيب عيناً من قصصها تبكيك=قامت تميز في قسى الوقت وعفاك
على نظرها جايبتلك وتعطيك=وتسوقلك سوقاً على شرح بلواك
من شان لايذّيك شياً بيّذيك=شياً ليا أخفيته بلى النفس وأذاك
شياً ليا جالك سبى نوم عينيك=ونقّض عليك اللي خفى في خفاياك
الضيق بلوى لا صدفلك بيبليكّ=يبليك صدفه لاتبلاك عنّاك
لكنّ أذهن لاتبيّن بخافيك=ماكل من يسمع لسدك بيرفاك
يعني تأمل حاضرك قبل ماضيك=ماعاد ترجع من لياليك ليلاك
على الجهل ناساً تحبك تماشيك=ولاأحداً بناصحلك على كل ماجاك
درب الخطرمابين هاذي وهاذّيك=يمهلك ربك يمكن النفس تنهّاك
هاذي تنّحت عنك هاذيك تخطيك=وأذهن ليوماً صابك السهم مأخطاك
حاول بقدر الإستطاعه بيديك=تكسب من الجزلات من جمع يمناك
من شان ناساً في مقامك تعاديّك=ناساً تقّفى في قفى الخلق تقفاك
اللي يدوّر زلة الخلق قافيّك=وليا لقاله درب يمك توطاك
وأذهن لسانك فالمجالس يزكيك=يلزمك بالهزله لسانك وخلاك
يلزم عليك المخطيه من يهزّيك=رجلاً يدوّر زلة لسان ورّاك
وأنته تفرق بين شاهين والديك=عقلك خصيمك لاتفشّى بعدوّاك
حاول تسجّل من رصيدك على شيك=من شان مالك كاش قصّر فضوضاك
أحداً يحوش الطايله قول ويحيّك=وأحداً هلامه بارد الوجه بحكاك
وأحداً نباه ليا نصالك يكفيك=يشرح لصدرك يوم رحب وهلّاك
أخّير من يضحك وهو مايدانيّك=يضيق باله لاتحيّر وقهواك
وبه ناس قدوه للمثايل وتهديك=ناساً تسوّق من المراجل على ماك
وانا بأسوّق الجزل من قبل لانويك=ياهاجساً قمت أتهيّض وطراك
ميّزت في دنياي وأسجّ وأجيك=وأغيب عنك بالاسابيع وأجفاك
لوّن وضعي تالي الوقت حاديك=انته نصيحاً لي بذنبي وانا أجزاك
وأنا الذي سجلت الاقوال وأوروّيك=ياشعري اللي لامضّى الوقت مأنساك
نايف الطلاحبي

ماشاء الله لا قوة الا بالله

لا اله الا الله

اهنيك على القصيده يانايف قايلك من ذاك اليوم نزلها وتوك تنزلها كنت متشووق لها بالحيل

صح الله لسانك واعتلا شانك والله يكفيك شر حسادك

هذا القصيد اللي يهيضني صدق فيه حكمه في صور شعريه فيه تجربه مفردات رائعه
اهنيك من كل قلبي على هذا الابداع والتميز

لله درك يانايف

تحيتي لك بكل ود واحترام
وخييك
الح ـب حاكم ـني

لاهنت اخوي نايف مبدع قصيده جزله فيه من الحكم اهنيك على ها القصيده
وتقبل مروري

النايف

عطني خشمك قصيده كايفه

ابداع متواصل وتألق يرقى في سمو الكلمه

سلمت اناملك اخي نايف على هذه القصيده الرائعه

مروركم في متصفحي المتواضع فقط ،،،،فخر لي

وامضاء اقلامكم لردودكم،،، أعتزاز لي

لاهنتم على الردود


ولاهان من صارحني
بأي ملاحظه في القصيده أوإشكاليه


"رحم الله من أهداني عيوبي"


0000

لاهنتم على المروور

وتستاهلون أكثر


0000



تحياتي لكم

صح لسانك يا نايف قصيده جزله

يعطيك العافيه يا نايف

وتسلم يمناك على النقل المميز

يعطيك الف عافية على القصيدة كلها حكم شاعر مميز

يشرفني مروركم

ياعلي الرهيف وابو ماجد

تحياتي لكم

هذا القصيد والا بلاش


اشهد بالله كفووووو وصح لسانك

والله انك شاعر يانايف منت بسيط


اسجل اعجابي وبقوووووة


فجر