القصيدة الخالدة لهلاًل بن عايد رحمه ورد الحريص عليه رحمهما الله

قصيدة عمي هلاًل بن عايد الطلاحبي رحمه الله

ياعد وين اللي طراتك ليا جاك=اللي ليا جيتك يجيني علاكا
اللي مضى ياعد وقف على ماك=واليوم لا جاني ولا جايباكا
هاقني أخليك يومنه أخلاك=واجوز عن مشروب عدك وماكا
والله ما ارجع يم دارك ومصغاك=الاّ ياكود إنه رجع في وطاكا
عدن جفيت سهيف الروح عساك=ما سلت من نو الثريا عساكا
لعل همال السحاب يتعداك=شي يجي دونك وشي وراكا
يابو ثمان بيض يجلن بالراك=اللي يمروجهن بعود اليراكا
مثل البرد من مزنتن نوها ادراك=من شافهنه طامعن بدراكا
ياشين عطني حبتن من شفاياك=واذهن تبين للمهبى خفاكا
قدام قصاف العمار يتعشاك=والانحايه يختلف عن نحاكا
قافٍ وأنا هلاًل عجيت ببناك=يا حيف يا قافٍ يشوق بناكا
ياليت من يوصلك يا قاف منهاك=يوصلك يا زين البنا منتهاكا
سويت لي قاف وكله على ياك=ماعسرك ياقاف على نظم ياكا
يامن يوصلك الحريص ويقراك=غير الحريص ماش حيا قراكا
ابيه يقصد لك على قد معناك=حيث ان قصد القاف فيه الفكاكا
قلة ترى هلال ما جاه قد جاك=واللي طوى قلب العزيزي طواكا

رد الشاعر عايض الحريّص:

وآبوك يالمرقاب لاعاد مرقاك=ياليتني ماكان جيت بحجاكا
يا قلب يا قلب العنا ويش عناك=عقب اللحون اللي لفت ويش جاكا
أنا أحسبنك بعت فالود مجزاك=وأثرك يا قلب العنا في عناكا
يا مرسلي ولم وابنعتك منهاك=ولا تمسي إلا عند من لا شناكا
أبو حبيّب حيث ماقبلت ينصاك=يضحك حجاجه حيث يقبل علاكا
قول الحريّص دز قافينٍ أشباك=يلعب به القصاد يوم يتحاكا
ويقول ما يرضى على العد بدعاك=على قليب مطير ماكبر خطاكا
عدٍ لعل مروح الغيث ياطاك=سيلٍ على سيلٍ ونو سقاكا
للسيل يا دارٍ منول نزلناك=حيث إن قد راع المودة مشاكا
يا مشخصٍ عايز على الناس ماغلاك=من زين وصفك غاليٍ مشتراكا
يالايمٍ هلاّل لموا لك دواك=من كل حاجه ليموا لك دواكا
يالايمٍ هلال لومٍ تغشاك=لومٍ عليك أكبر من الضلع ذاكا

الله يسكنهم فسيح جناته يارب

الله يرحمهم ويسكنهم فسيح جناته

تسلم اخي ابويزيد على طرح هذه الدرر

المشاركة الأصلية كتبت بواسطة العزيزي المغترب

الله يرحمهم ويسكنهم فسيح جناته

تسلم اخي ابويزيد على طرح هذه الدرر

وتسلم أخي المغترب على مرورك اللي أثلج صدري

و هذا رد شموخ عزيزي على ابو يزيد

يا بو يزيد مساك بالخير مولاك
...................................... يسعد صباحك يا فتى مع مساكا

يا بو يزيد جعل المنايا تعداك
................................... اللآش و ابن اللآش جعله فداكا

ابيات جزله وقافيه صعبه لايجيدها سوى هولا الشعراء ابو حبيب وعايض الله يرحمهم ويجعلهم في فسيح جناته
قصيده رايعه ورد اجمل من اجمل ماقرات

سلم نقلك يابو يزيد
وابو شمخا راعي الاوله سبقني على الرد

المشاركة الأصلية كتبت بواسطة شموخ عزيزي

و هذا رد شموخ عزيزي على ابو يزيد

يا بو يزيد مساك بالخير مولاك
...................................... يسعد صباحك يا فتى مع مساكا

يا بو يزيد جعل المنايا تعداك
................................... اللآش و ابن اللآش جعله فداكا

سبحان ربن خالق الكون بافلاك
عد النجوم اللي بسماي وسماكا

حييت يابو شمخا على عد ممشاك
من صاحبن كل اهتمامه رضاكا

شعراء نادرون ليس لهم مثيل ...


الله يرحمهم ويتغمدهم بواسع رحمته ..

وجعل يمناك ماهي للعوق ياأبو يزيد ..

المشاركة الأصلية كتبت بواسطة الليث

ابيات جزله وقافيه صعبه لايجيدها سوى هولا الشعراء ابو حبيب وعايض الله يرحمهم ويجعلهم في فسيح جناته
قصيده رايعه ورد اجمل من اجمل ماقرات

سلم نقلك يابو يزيد
وابو شمخا راعي الاوله سبقني على الرد

الله يعطيك العافية على الحضور والرد الرائع والرايع في نفس الوقت

تسلم اخوي سموالذات على الطرح المتميز وفريد من نوعه

هذي الرديه كم لي ابحث عنه وانته جبتها الله يعطيك العافيه

اما فرسان هذي الرديه يطول فيه الحديث ولا يوفيهم حقهم

ماقول غير عساهم البارد الجنه الشيخ هلال الطلاحبي وعايض الحريص


واشكرك مليون على هالطرح ياخالي

مشكور ياسموالذات ع النقل
الله يرحمهم جميع
هذي من اجمل قصائد شعراء بني عزيز على الاطلاق