يابو صقر

اقدم لمنتداي الافضل والاجمل والاكمل ابيات قصيدة مهداه للشاعر / سلمان الشهراني واتمنى ان تنال على استحسانكم

يابو صقر جاتك بيوت الشعر جات = من شاعرٍ جاته على ما يبيها
جتني هواجيسي تبي نظم الابيات = وجنبتها عن الردى من غلاها
لأن الوفاء والطيب منبع وعادات = والطيّب اللي محتويها وكسبها
وهيا يابو صقر على البر مكشات = والبر يشرح الصدور وغثاها
نبي نتمشى في فياضٍ وسيـعات = أخير من جدران تسمع صداها
خوة نشاما كاسبين الجميـــــلات = اللي على العلياء رجالٍ رقوها

اخوكم / شاعر الشمال

صح السانك يا شاعر الشمال
وقصيدة جزلة تدل على شاعر جزل

كتبت فا ابدعت
ولك مني خالص الشكر والتقدير

صح لسانك ياشاعر الشمال

اخوي شاعر الشمال

صح لسانك على القصيده الجزله

وياليت تورد لنا رد الشاعر سلمان الشهراني

الوصي ، عاش هباء ، الطريس شكرا على مروركم الجميل

وبالنسبة لرد سلمان الشهراني راح انزله عما قريب

هذا رد الشاعر/ سلمان الشهراني على قصيدتي

يا مرحبا بالقاف والقاف ما مات = لو مر عن رده عشي وضحاها
من شاعرٍ جزلٍ يجر الجزيلات = من روس قومٍ قيل حمرٍ نظرها
وان كان هاجوسك يجي بعض مرات = وان جاك ترجمته بقاف ولحنها
في صدري الهاجوس مليون وميات = غفلٍ حرارٍ ماحدٍ قد وسمها
مضمره تقطع طويل المسافات = وان جات في الميدان محٍد لحقها
وقم يا العزيزي جهز الجيب بالذات = رنجٍ على كيف النفوس وهواها
ليا نخيته يقرب لك البعيدات = ويهوز دارٍ ماحدٍ قد وطاها
وابشر بخوة من يعشق الصعيبات = ويشيل حملك لو تصاعب حملها
وتحل من بعد الهموم الوناسات = وتزين خطرنا وننسى غثاها

واشكركم على تواصلكم

صح لسانك اخي شاعر الشمال

وصح لسان الشاعر سلمان الشهراني