دكان عدنان

يـوم كنـت( صغيّّّـر) يقولـون جنّـي=ماخبر واحـد علـى امـي مااشتكانـي
كنت مـوذي والـوذا مخلـوق منـي=كنـت اشقـا طفـل مولـود بزمـانـي
اتشخّـص ب(الطقـيّـه) ياعنّـنّـي=صرت اغازل واعرف اسلوب الغوانـي
كل بنـات الحـارة كانـن يعشقنـي=ابتسام..وهنـد... واحلام....وتهـانـي
من قبل لااقول .. طيـري.! يلحقنـي=ويحبشنّي مـن قبـل لااصـل مكانـي
كنت ب(الحاره) من الطيش احسبنـي=سندبـاد اللـي عـرف سّـر الموانـي
كنت أوسوس بالشعر من صغر سني=والمس جروحي علـى شانـه واعانـي
لين في مّره .. وانا ماشـي واغنـي=رايح لدكّـان .. (عدنـان اليمانـي ) ..
مّّرني خنجر غـلا عشـق وطعنـي=جايني من وين ؟ مدري بـس .. جانـي
وش تبون بقصتي .. ؟؟ يخرب مطني=ما ضحـك غيـري علـيّ ولا بكانـي
اسمعوا بـوح الحنيـن اللـي سكنـي=واعذرونـي لا خـذل حرفـي لسانـي
لا تعّـدون السهـام اللـي رمـنـي=وتسئلوني ويش كثـر عـوج المحانـي
احسبونـي طفـل محـتـاج لتبـنـي=عـن حسدهـم حافـظ السبـع المثانـي
وازرعونـي بالعيـون اللـي جفنـي=واقطفوني من علـى خضـر المعانـي
اطعنوا صدر اليقيـن بسيـف ضنـي=واشربونـي دمّ لـو جرحـه نسـانـي
و اسمحوا لي بين( قوسين ) التجنـي=اخـذ المجنـي عليـه بذنـب جـانـي.
أه منه . واه منكـم. واآ آ آ ه منـي=من نبش فيكم ورى الصمت وحكانـي.؟
ايه اموت بدونـه .. وأحيـا كأنـي=عايش بدوني . ! غياب انسـان ثانـي
والله انّـه بالوهـم يـوم يحضـنـي=طيفه يصّدق . !! وانا اذوووب بحنانـي
أكذب الصدفه واصدقهـا !.. واهنـي=واجرح الساعه . لاجل خاطر ثواني ..!!
اسألـوا بنهايـة المـشـوار فـنـي=من وشم جرحي على صدور الاغاني.؟؟
وعلموني ويش يقول الشعـر عنـي=هو أخذ مـن حسرتـي.؟ والا عطانـي
بلّغـوه انـي تعبـت مـن التمـنـي=ولا لقيت اريح مـن احـلام الا مانـي
وصدقوني موغـرور ان قلـت انـي=ماخلـق ربـي قصـيـد الاعشـانـي.
وسامحونـي بـس هالمّـره لانـي=طحت من عقلـي علـى قمـة جناني

والله روعه وممتعه يالحب’’
يعطيك الف عافيه

اتشـخّـص ب(الطقـيّـه) ياعنّـنّـي = =صرت اغازل واعرف اسلوب الغوانـي
ـــــــــــــــــــــــــــــــ
يازين طاقيتك كني أشوفها على نص راسك

والله عشت مع هالقصيده ذكرتني الحاره القديمه لكن راعي الدكان اللي عندنا
عم حميد اليماني
قصيدتك جعلت مني تنافر حب كره

أحب ابداع الكلمه مثل هذه
و أكره بعد الأحبه في الماضي عندما كان يجمعنا الحب اللامصلحي

[size="5"][/sizeتسلم على ها القصيده الحلوه بس عندي ملاحظه ليه ماذكرة اددسن
وتقبل مروررررررررررررري وتحياتي

يـوم كنـت( صغيّّّـر) يقولـون جنّـيماخبر واحـد علـى امـي مااشتكانـي

وأسمح لي أقولك يوم كبرت صرت مبدع في المنتدى ولا خابر عضو قراء موضوعك ولا رد عليك تسلم يالحب حاكمني على النقل الذي أسعدني وأمتعنا

××
هذه صوره لدكان عدنان اليماني ..
الذي كان يشتري منه أخينا الحب حاكمني ..............

ههههههههه

جميل ما اخترت اخي ابومحمد

صح لسانك يابومحمد


اشهد بالله انك شاعر

والله اني افتخر بقصيدكم يابني عمي

ياعقبال ماااشوفكم كلكم مرزين بقناة الصحراء

وكلن يبي تواقيعكم ومشاهير

عاد وقتها لاتتكبرون على بنيت عمكم فجر

وش هالقصيده يابن العم والله انها شي

فجر

بيض الله وجه راع الفكره عزالله انها تنحسب لحسابه ابداع ابداع اشكرك بعنف