احلى الطواريق

هذه القصيدة للشاعر الكبير / عبدالله الطلحي

وهي بعنوان ( من احلى الطواريق )

البـارحـه يــوم الـخـلايـق غـواريــقفـي نومـهـا واللـيـل بـآخـر هزيـعـه

سرق منامي مـن عيونـي سواريـقوهـمٍ لجـا فـي القلـب مايستطيعـه

أغيـب فــي غيبـوبـة الـهـم وافـيـقوالـهـم غــلاب القـلـوب الشجيـعـه

واصبّر الخاطر علـى قـدر مااطيـقواقـول خـل الهـم مـن سـد ريـعـه

ياسـاك ماياسـا الرجـال المطاليـقعانـوا مــع الأيــام مـكـر وخديـعـه

كــلٍ بهـمّـه والضـمـايـر صـنـاديـقمـقـفّــلات وســرهـــا مـاتـذيـعــه

لوشفتهم في ساعة الهـم والضيـقتعـرف تواصيـف النفـوس الرفيعـه

بيـن الضـلـوع الحانـيـه والمعالـيـقتلقـى مداهيـل الـصـدور الوسيـعـه

والصبـر طيّـب والمراجـل توافـيـقإصبر ولـو ماطاعـك الوقـت طيعـه

دنـيـاك ماتـعـرف عـهـود ومواثـيـقمـن يومهـا والـغـدر فيـهـا طبيـعـه

كثرت عليك من الزمـان التصافيـقوإحترت مابيـن الخطـوط السريعـه

ضاعت سنينك مثل صرف التفاريقواقبـل خريـف العمـر واقفـا ربيعـه

مدري متى تـروى ويبتـلّ لـك ريـقيامـدوّر المـاء فـي ســرابٍ بقيـعـه

عنّـز علـى فتـاح عـسـر المغالـيـقاللـي ضمـن رزق الخلايـق جميـعـه

يغني بفضلـه عـن جميـع المخاليـقومن باعنا بالرخـص بارخـص نبيعـه

عزّلـت مـن صحبـة نفـاقٍ وتلفـيـقصحبـة مذلـه خيـر منهـا القطيـعـه

شفـي بمطـلاع الجبـال الشواهـيـقفـي ديـرةٍ فيـهـا الـجـوازي رتيـعـه

امشي خفا في غفلة الصيـد واويـقوارمــي طـلايـع جولـهـا بالطليـعـه

وارتاح في ظل الغصـون المواريـقاخيـر مـن ظـل القـصـور المنيـعـه

واختار طاروقٍ من احلى الطواريـقابـدع عليـه مــن البـيـوت البديـعـه

احلى من الشهد المصفـى ليـا ذيـقحلو الطعـم طـب الكبـود الوجيعـه

لــولاي يدفعـنـي لـلأجـواد تشـويـقاهـل الـصـلاح محكمـيـن الشريـعـه

لاأحط دون النـاس بُعـد المطاريـقواعدهـا مــن بــاب ســد الذريـعـه

صح لسان شاعرها
وسلم نقلك اخي الطريس

انشهد انها أغلى الطواريق

صح لسانك ولسان شاعرها وسلمت على نقلها لاهنت

تحيتي العطرة

فتى بني عزيز

اخوي الليث

نورت متصفحي بمرورك العطر

اخوي فتى بني عزيز

عظرت متصفحي بعطر مرورك الفواح