ياساري المزن

ياساري المزن ماتسري على بلادي

وتهل وبلك على صادي مضاميها


جدد لها ياثقيل النو ميعادي

مع أول الوسم تكفى لا تخليها


سير عليها ولا تترك بها وادي

إلا وسيله يفيض في مفاليها


خل الظما ينتزح عن خدها غادي

والصيب العذب ينعشها ويحييها


يامزن أنا ديرتي هي مهجة فوادي

أحيا معاها وأموت بموت أراضيها


هي النسم لي وهي شربي وهي زادي

روحي هواها وجسمي من صحاريها


لغبت عنها أعيش بغم وسهادي

وإن جيتها حزت أنا الدنيا ومافيها


أحبها حب لا هادي ولا عادي

أفدي ثراها بروحي ماتجازيها


ديرة هل السيف والتوحيد الأسيادي

أرض الجزيره يا عل الغيث يسقيها


مني لأهلها سلامي حاضر وبادي

والحب والله ترى من حب أهاليها


شعر : خالد بن سعود الكبير

ااااااااااااالـــــــــــــــــــــــــــــلــــــ ــــــــــــــــــه

تسلم يمينك يالطائر الاخضر على هذا النقل الرائع والمميز

والله قصيده رائعه .

والله قرئتها اكثر من مره ولم ولن إمل من قرائتها

نرجوا ان تتحفنا بمثل هذه القصائد الرائعه بروعتك ورعة شاعرها

لك مني التحيه

الـــــــــــوايلي

يعطيك العافية
اخوي
الوايلي
وبيض الله وجهك
على مرورك

الطائر الأخضر
فاااالك المليون والله كلام ولا احلى
وانا اتفق مع الوايلي والله ما تمل قرائتها
تقبل مروري

تسلم ايدك علي طرحك المميز
تقبل تحياتي

يعطيك العافية
اخوي
أحمد العزيزي
وبيض الله وجهك
على مرورك

يعطيك العافية
اخوي
بيرق مطير
وبيض الله وجهك
على مرورك

اخوي الطائر بيض اللة وجهك على النقل الممتاز

لقصيدة الامير خالد الكبير

وتقبل مروري

ديرة هل السيف والتوحيد الأسيادي

أرض الجزيره يا عل الغيث يسقيها



الله الله صح لسان الشاعر /خالد بن سعود الكبير

ويعطيك العافيه على النقل الجميل يالطائر الاخضر

شكرا لمرورك اخوي حامد رضا