ألوووم الوقت

قبل لاتنتحر ذيك المشاعر من جفى الأيام=تعال وقول لي كلمة تراني أشتقت بسمعها
قبل ماينتهي ذاك الطريق اللي به الأقدام=تدوس الشوك من شانك ولاأدري وش مطامعها
معاك احلام تأخذني ومن دونك تموت أحلام=أبعثر لك قصص حبي ولكن كيف تجمعها
على هالحال أنا عايش على بعدك مضالي عام=حبالٍ للرجاء بيني وبينك ليش تقطعها
ألوم الوقت في بعدك وأثاري الوقت ماينلام=ألومه كيف أنا ألومه وشمسك غاب مطلعها
نقول الوقت ظالمنا وحنّا لوقتنا ظلام=ألا ياوقت من فينا سأل نفسه وراجعها
حبيبي فكر بحالي وحالك والهوى مادام=مادام أنك هوى نفسٍ عليك البعد لايعها
قبل لايصدر بحق المشاعر حكم فيه أعدام=قبل لاأنوي على ذيك المشاعر وأقتل أشجعها

صح لسانك


ويعطيك العافيه

صصصصصصصصصصصصصح لسانك

قصيده جـــــــــــــــــــــــــــــزله وبيض الله وجهك على هذا الابداع

تقبل مروري
الشمــــــــــــــالي

صح لسانك ياتركي

الزعيم

الشمالي

أبن صعير


صحت أبدانكم جميع
وشكرا على المرور العطر

هلا والله أخوي و ابن عمي تركي العزيزي

ياأسطورة شعراء منتديات بني عزيز

صح لسانك يا الغالي وصح قلبك

سيمفونية جديدة تعزفها لنا مجدداً أيها الشاعر المتألق



متألق دوماً وشامخ في فكرك وشعرك دمت هكذا يا ابن العم


قصيدة جزلة من رجال جزل


ما شاء الله عليك موهـوب ومبدع وشهادتي فيك مجروحة يا ابن العم

يا أخي والله اني استمتع بقراءة شعرك

وتحيتي لشخصك الكريم


مشكووووووووور


كــُـن بـخيـر أخـي

الـفـارس
أبو عبدالعزيز

الفارس
صح بدنك
وسر سعادتي هو تفاعلك مع ماأكتب
لك مني كل التقدير
تشرفت صفحتي بمرورك

اخي الغالي تركي

نقول الوقت ظالمنا وحنّا لوقتنا ظلام
ألا ياوقت من فينا سأل نفسه وراجعها

صح لسانك قصيده رايعه كروعتك

انت شاعر مبدع ومتمكن وان شاء الله دايم وابد نشوف ابداعك

تقبل مرور

اخوك

الطريس

الطريس
حياك يالغالي
الله يسلمك وتشرفت بمرورك العطر
لك مني كل التقدير

صح الله لسانك ياتركي العزيزي

ولاهو غريب عليك الابداع

لك خالص شكري