قصيدة العروي بالرجم

هذه قصيدة للشاعر عبدربه بشير العروي ارسلها لي ونقلتها لكم
وسوف نوافيكم بالرد عليها باقرب فرصه انشاالله

يارجم لاضاق البلد فيك عديت =وان حسني هاجوس عديت يمك
ماتقل غيرك يكسر الهم لاجيت= كن البلا بلواك والهم همك
ماني غشيما وادري انك راع الصيت=ماغير ضيقا حدني واستشمك
واذكر علي ليا بديتك بدا البيت = عادات من عدا براسك وزمك
لاصار ماودك تعرف انك اخطيت = تقدر تجاهل والخطا مايهمك
وتقفل الاذنين ماكنك اوحيت= ضاري بها والي يذمك يذمك
بس البلا لاصرت بحساس كبريت=ومجاوره مصفاة من بير عمك
ادنات ماحرك خزينك وشبيت= بركان ماتقوى المطافي تدمك
لو هي تجيلي منيتي لاتمنيت= ياقلب متعبتك ولاحرقت دمك
بس الحقيقه لوتظاهرت واخفيت= هرجة عديمين المشاعر تسمك
الي يطفون المشاهيب بالزيت=والوقت كله بالمنابر يأمك
اليا تجاوزت الحدود وتعديت= منته بلاقي لك حياة تظمك
العلم مع غير الآدب حي مع ميت= مالم نفسه كيف يبغى يلمك

ابواحمد

يعطيك العافية
بيض الله وجهك
صح لسانك ولسان الشاعر عبدربه بشير العروي
نتطلع للمزيد من ابدعاتك


لكم مني خالص الود

يعطيك العـــــافيــه يابو احمـــــد

صــــــــــــــــح لســــــــــــــــان شـــــــــــــــــاعرها

ونحن في إنتظــــــار ردك يالـقـــــــــــــــــــــــــرم