شبح ما هو صالون وألا مقفص

هذي القصيده لشاعر/علي عتيق معوض الصواني بناخي الشاعر الراحل الكبير/عويتق معوض الصواني موجهه لشاعر/تركي مرزوق الصواني وإليكم هذه القصيده

يا راكبٍ من عندنا جيب شاصي=جيبٍ جديداٍ بالحمل ما بعد رص
اللي مقامه فزةٍ برتقاصي=شبح ما هو صالون وألا مقفص
ما ركبوا له خلف بديه قلاصي=ولاشيل بالونشات يشحن ويقلص
ينصاك ياللي في بعيد المناصي=شبل الحرار اللي على الطيب تحرص
ينصاك يا تركي ويلفيك ناصي=ينصاك ويخص من المجتمع خص
ما فوقه الأ حاملين الرصاصي=بيمانهم سردٍ تقص الهدف قص
اللي لهم بالصيد فن إقتناصي=ولهم بمرتع شرد الصيد مقنص
وأيضاً لهم ولعه ودايم حراصي=على لحوق الذود في مهمهٍ حص
في خايعٍ قد جاء لسيله تناصي=حتى طغى عشبه على القشع وإرتص
نبي لنا عشرة بيوتٍ قواصي=متقاصيات القاف والوزن والنص
هات الثمين وخل عنك الرخاصي=غال الثمن لن بيع برخيص يرخص
ويالله عساك إطيع ما تكون عاصي=حق العصايه مطرقٍ تو ما قص
ليه إيتعمد فالكلام إينتقاصي=ويقول من خرجك بالشعر وإخلص
وأنا الصعاب المبهمات إختصاصي=خريج من هو لصعب القاف مختص
قول الرياجيل الثقات البخاصي=إما تجيب العشر الأبيات والا إص