قصيده لشاعر المليون محمد بن عوض الديحاني ,

اليكم القصيده اتمنى ان تعجبكم

يالدلبحي من دار الاشراف تله=
يوم انت بطرانن وموترك بطران =
وانا بغمض وافهق الكشن كله=
وابتنيعس لو مانيب نعسان =
من خوف اشوف ام الرموش المظله=
وارجع واقول انا على ويش عجلان =
الدرب مثلك يا السنافي يدله=
والوضع مثلك خابره يا كحيلان =
وان دق جوالي يبن روق خله=
يدق لين يمل من غير حقران =
ومن ينشدك عني من الناس قله=
مشتاق ومسافر ونايم وتعبان =
والعلم عندك كل دقه وجله=
وقلي ليا منك تعديت عمان =
ولا تنشد الزرقا عن الدرب لله=
ولا تنشد الازرق عن فلان وفلان =
وان مرنا المفرق وانا فاطنن له=
قل معي يا طري الحيا يا ابن شعلان =
وان شفت ليتات الحديثه مطله=
جينا وطنا يا بعد كل الاوطان =
سولف ولك فذه وفنجال دله=
وهيجن ولك مني طواريق والحان =
الشعر سيف(ن) للمواجيب اسله=
ابهج به احباب(ن) واضيم ابه عدوان =
وانا على موعد غد(ن) في محله=
عند الشيوخ اللي لهم عزه وشان =
الطيب فيهم من امنول اجبله=
متوارثينه من قبل طير حوران =
خيالة الجدعا نهار الشكله=
واصل بني عمي طليقين الايمان =
والشيخ انا اعرفه واحبه واجله=
هذا ندا لا يا ندا يا بن عشوان =
لو منت طيب يا دوا كل عله=
ما صرت يا النادر خوي(ن) لسطان =

مــنـقــول لــعــيــونــكم

[/size][/font]