من قصائد والدي

السلام عليكم ورحمة الله وبركاته
اترككم مع قصيدتنان لوادي شااااااافه الله وارجع له بصره مخاطبا اصغر ابناءه


ياسعود مالك عن لزومك تدساس
الحر بين مدته مع مسيره
خطو الولد يشهر كما شهر قرناس
له ماكر روس الجبال العسيره
سج القدم وحرس على بعد الأرماس
قطع الفيافي يوصلنك جزيره
ان ضقت من ديره ترا القلب حساس
تبدلو بعض الدير بأي ديره
والبعد مايقطعك من كل الأجناس
ولاكل دورات الليالي عسيره


ولكم هذه الأبيات القصيره

ياسعود قدم لنشاما معاميل
وقلط عشاهم لاتشاور مشوره
البخل مايضهر وجيه الرياجيل
والطيب تضهرلك ملاميح نوره
وخلك على الطالات مع طيب الجيل
وحذر تجالس كاسبين المعوره
ووصيك في المنسب خيار الرياجيل
بنت الردي والأش تراء مهي ضروره




لشاعر / عايض مرضي الونيس