قصيده رائعه للشاعر خالد بن صنت الوصي

اهتاض بالي والمثل له مزاياه=واحيان يفرج ضيقتي من فوادي
لن صار جوف الصدر حسات مخفاه=واخفيتها من خوف فرحت معادي
عبرت بالامثال للقلب تسلاه= لن جت هواجيسه عداد الجرادي
ماهمي الدنيا لا والله والله= دام البنادم حي فالرزق بادي
الرزق عند الي ماتحصى عطاياه=اليا عطى مخلوق بلغ المرادي
والطيب فالطيب تحطه وتلقاه= مافيه طيب غير بالطيب زادي
وان حط له في نذل حطه بيسراه= ويقول هذي حيلتي واجتهادي
والطيب فيه اصبح صميل(ن) نثر ماه =من يلحق الما عقب خش الحمادي
وترى الردي نفسه من الخوف مقصاه = عن الكرم قيّد باشد القيادي
ومال(ن) مايضهر ذكر راعيه عساه = عساه ياسلمان يعطى النفادي
استر لحاله كل ماجيب طرياه = اخير من كلمة ردي(ن) جلادي
ومال البخيل ان جيت اميز لعقباه = نار(ن) حطبها جزل واصبح رمادي
هو مادرى انه من عدم وجد منشاه =ومتكلفن رزقه وليّ العبادي
وراع الكرم نفسه على الجود مغراه = والله كريم ولا على الله مزادي

مشكوووووووووووور يا بارود وصح الله لسان خالد
يعطيك العافيه وبيض الله وجهك







تحياتي

صح لسان الشاعر خالد بن صنت
ويعطيك العافية
يابرود على القصيدة ونقلها

الاخ عمر عمران

والاخ ابو ماجد

شكراً على المرور

يعطيييييييييييييييييييك العافية على القصيدة الجميله

قييدة جيدة ملية بالنصح والحكم وابو محمد شاعر كبير وعنده قصايد كثيرة جميعا جيدة
وصح لسان ابو محمد مشكور يانقل القصيدة للمنتدي وامل منكم المزيد والتعلريف بالشاعر ومناسبة القصيدة ان امكن ذلك ولكم مني اطيب وارق تحية من ساحل البحر الاحمر

مشكور
والله يعطيك العافيه

شكراااااااا أخوي